Við trúum því varla að það sé komið að útskrift!
Þessi magnaði hópur hugrakkra kvenna hefur nú lokið 9 mánaða ferð sinni á námskeiðinu Þín persónulega umbreyting. Við erum afar þakklátar þeim fyrir að treysta okkur fyrir því að leiða þær áfram í umbreytingarferlinu. Það er mikill heiður að hafa fengið að fylgja þeim eftir á þessu krefjandi ferðalagi, séð þær hlæja og gráta, vinna stóra og smá sigra, sýna magnaðan viljastyrk og vilja til að spegla sjálfar sig og líf sitt á heiðarlegan hátt, séð þær kveðja hið gamla og taka fagnandi á móti hinu nýja. Að sjá þær finna leiðina aftur að sjálfum sér og draumum sínum.
Þvílíkt ævintýri sem þetta hefur verið fyrir okkur allar. Hver ein og einasta kona í hópnum hefur kennt okkur eitthvað nýtt, veitt okkur innblástur í hverju skrefi og fyrir það verðum við þeim alltaf þakklátar. Elsku kraftaverkakonur! Við óskum ykkur alls hins besta og vonum að þið haldið áfram að ganga skref fyrir skref í átt að draumum ykkar og ykkar æðsta tilgangi. Takk fyrir kærleikann ykkar, traust og vináttu. Með ást og kærleika, Alma og Hrabbý