Í lok ágúst komu átta Engla Reiki meðferðaraðilar saman til að efla sig sem heilara og vinna með sig sjálf á Engla Reiki meistaranámskeiði.
Þessir þrír dagar eru ávallt magnaðir, nýjar upplifanir og tengingar við engla og aðrar ljósverur og nýjar heilunaraðferðir. En svo má ekki gleyma allri persónulegu vinnunni sem þau unnu, það var kafað djúpt inn á við og unnið að heilun á því sem þurfti á þessum tíma.
Eins og við stöllur segjum gjarnan þá verðum við ekki betri meðferðaraðilar en vinnan sem við setjum í okkur sjálf og því þarf að vera til í djúpköfun þegar komið er á námskeiðið. Það var þessi frábæri hópur svo sannarlega tilbúinn í!
Við hlökkum til að fylgjast með þessum hópi Engla Reiki meistara áfram og hvetjum öll til að leita til þeirra og annarra Engla Reiki meðferðaraðila kalli hjartað á innri vinnu. 🙏💜