Starcodes Academy

Hvað er Starcodes Academy?

Starcodes Academy var skapað af Ölmu Hrönn og Hrafnhildi Ýr snemma árs 2020 eftir að Hrabbý byrjaði að miðla ljóskóðum frá hinu forna Atlantis. Þeim var sagt af verum ljóssins að þær þyrftu að vinna frekar með ljóskóðana og byrjuðu því afla sér frekari upplýsinga með því að miðla efni frá Metatron erkiengli og öðrum ljósverum. Fljótlega kom í ljós að um var að ræða kerfi sem þær voru beðnar um að nýta til að styðja aðra við að umbreyta lífi sínu og lifa sinn æðsta tilgang. Þetta leiddi þær Ölmu og Hrafnhildi á 18 mánaða ferðalag þar sem þær miðluðu fræðsluefni, hugleiðslum og öðru efni fyrir níu mánaða prógramm.

Á þessum tíma fóru þær sjálfar þrisvar sinnum í gegnum alla sjálfsvinnuna sem fylgir námskeiðinu og var það sannkölluð rússibanareið! Á þessu ferðalagi þurftu þær að vinna í fullkomnu trausti á alheiminn því oft var ekki ljóst hvert stefndi. Treysta þurfti því að leiðsögn fyrir hvert skref ferðalagsins kæmi þegar þær væru tilbúnar að stíga það og upplifðu þær báðar afar sterkt að í gegnum þessa vinnu væru þær loks að lifa sinn æðsta tilgang. Þannig fæddist námskeiðið Þín persónulega umbreyting, lykilvara Starcodes Academy.

Hlutverk okkar:

Við eflum þátttakendur okkar til að umbreyta tilveru sinni í gegnum heiðarlega speglun, heilun, sköpun og (sam)teningar.

Sýn okkar:

Starcodes Academy styður jörðina og mannkynið á uppstigningarferðalagi sínu með því að efla fólk til að ná æðstu möguleikum sínum og lifa sinn tilgang, með ljóskóða og æðri leiðsögn sem okkar lykil tæki.

Gildin okkar:

Heilindi – Umbreyting – Tenging

Við trúum:

Að heilindi séu lykilatriði í allri sjálfsvinnu og þróun.

Að persónulegri umbreytingu verði náð í gegnum heilun, sjálfsspeglun, sköpun og fjölbreytileika sem gerir okkur kleift að upplifa gleði, velsæld og okkar eigin mikilfenglega (eða stórbrotna) kraft.

Að sönn tenging við okkur sjálf, æðri leiðsögn og allt sem er færi okkur sanna tilfinningu þess að tilheyra og sterkan sjálfskærleik.